Wisata Topo Ngedem Pikir

0
79

pertapaSeminggu luwih Mamat Terasi orep prihatin. Eksport rukem lan juwet wurung, Mat Terasi rugi lan dain-e sampek khomsah isrin milyun. Saben dino, isuk,  sore lan dalu, seng nagih podo teko gantenan.

Posisi Mat Terasi mafi fulus, tapi pantang menghindar. Sopo ae seng teko nagih dain-e, tetep ditemoni. Masio gak iso nyaor balikno fulus seng digawe suhul, tetep ditemoni lan Mat Terasi isone semoyo.

Munah, kharim-e Mat Terasi gak tahan, ngesuf kebek dayo seng teko gantian nagih dain. Munah akhir-e isone sambat lan bengok-bengok tok nang Mat Terasi.

“Wis talah bang, ente ojok nok bait tok. Ndang budal-o suhul seng tepak nggolek fulus seng katsir cekno iso nyaor dain. Sumpek ana ngesuf dayo-dayo teko nagih dain,” Munah bengok.

“Iyo wis aku tak metu ae, nggolek howo seger cekno iso mikir lan nemu suhulan seng tepak. Tapi ente yo seng mantep, ana dungakno nemu dalan. Tapi ana atuh-ono fulus khomsata asar alif ae, gawe bondo star bensin,” jare Mat Terasi nang Munah.

Mat Terasi berangkat nyengklak belalang tempur-e. Nawaitu langsung budal, muter-muter golek howo seger. Tapi perasaane gak tahan, kate langsung berangkat bighoiri mampir warung gahwane Man Petis.

“Seng sabar Mat. Suhulan gagal iku wis biasa, cubone urip lan Insya Allah onok gantine. Cekno pikiran ente enteng, bon ente tak ihlasno, anggepen catetan ente lunas. Khusus dino iki, ente tak jatah gahwa, dekhon salasa lencer karo khubus wahad, balas wis,” jare Man Petis milok prihatin.

“Riziq iso digolek-i Mat, ihlasno. Iki cubone ente kate urip enak. Pikiran ente cekno padang, kebetulan ana hasol riziq makelaran mitain alif. Nus binnus wis, ente miah alif, ana miah alif,” jare Dulah Lemari.

Ngesuf sohib muhallid-e milok prihatin, Mat Terasi sampek mbrebes mili.

“Sukron katsir Man karo ente Lah. Dungo dinungo, mugo-mogu dungone ente mustajabah ya akhi. Ana asrop gahwa disek. Maringene ana kate golek howo, ana kepingin budal ijenan disek,” sahut Mat Terasi.

Gahwa diasrop, khubus diyukul karo dekhonan sampek holak. Mat Terasi pamit nang sohib-sohibe.

“Dari mana ku harus memulainya. Aku harus mencari pencerahan dan jalan terbaik adalah menyusuri jalan yang telah kulalui. Mungkin ada manfaat dan hikmah tertentu dari jalan yang pernah kutempuh. Lah lek ngunu, ana tak budal maning nang panggonan rukem lan juwet,” yahampret Mat Terasi jero ati.

Mat Terasi meluncur pelan-pelan. Sempat mandek sediluk star bensin full tangki, Mat Terasi nikmati perjalanane. Tetep liwat dalan macet kenek pasar numplek nang dalan, pertelon kabir tapi mafi lampu tet-tetan abang ijo, sampek tekan dalan bolong-bolong.

“Masio dalane nggarai dubur mejen, tetep tak liwati ae. Tapi mosok dalan-e gak ndang-ndang didandani karo pemerintah. Lah pejabat-e lek sering liwat kunu, opo bokong-e gak udunen,” batin Mamat.

Belalang tempur terus mlaku pelan-pelan, baina ta’annas, sampek dalan paling pucuk holak. Howone adem, nang awak seger, melbu ereng-ereng Gunung Arjuno.  Belalang tempur terus mlaku liwat dalan dlusup-dlusup sampek nemu lokasi tepak.

Geletek, gak adoh teko nggone mandek, Mat Terasi ngesuf lokasi situs Goa Antaboga. Penasaran diparani sampek ketemu onok patung ulo nogo dobel seng dadi tondo lan lambang Goa Antaboga.

Pengunjung gak akeh. Mat Terasi ngerasakno howo seger nang ati ayem, akhire majlas silo. Gak nawaitu aneh-aneh, Mat Terasi uluk salam nang sohibul panggonan. Terus meneng anteng karo ndungo nang Gusti Allah lan gak ketinggalan dikebek-i moco sholawat.

Saking seger-e howo lan tenang-e ati, Mat Terasi sampek regut karo majlas silo. Gak keroso, arba’ sa’ah Mat Terasi regut angler, koyok nempo gara-gara kurang regut kerono pikiran gak tenang. Tangi weruh-weruh wis surup, peteng lampune kelap-kelip tok nggawe cempluk.

“Ketingal jenengan tilem-e angler sanget. Pun kesusu wangsul, mending teng meriki, saget nenangaken pikir. Howone seger, ati adem lan pikiran saget bening. Yen kurang lego, saget terus minggah, tasih wonten panggonan male damel nenangken pikir,” jare wong tuwo seng nok Goa Antaboga.

Mat Terasi akhire mantep dan mutusno nginep nang Goa Antaboga. Mesisan karep terus munggah ngesuf panggonan liyane gawe nenangno pikir. Sewengi muput Mat Terasi nang lokasi Goa Antaboga. Dzikir sembarang kalir diwoco kare regut liyer-liyer, pikirane rumongso padang.

Srengenge durung kitok Mat Terasi budal ijenan munggah terus. Masio dalane munggah gunung, Mat Terasi gak keroso najeh, sebab howone seger. Mat Terasi yamsi santai, karo tolah-toleh ngesuf menowo nemu barang-barang aneh nok dalan. Sampek tekan Tampuwono, srengenge kaet untup-untup.

Mat Terasi sengojo niat prihatin, ngurangi yukul, tapi yo gak kepingin yamut gara-gara juk. Makane waktu budal niat nang gunung, Mat Terasi star asropan botol karo isnain khubus kabir. Tekan lokasi seng ndukur, khubus kabir-e sek akeh, diyukul karo majlas ta’annas.

“Panggonan koyok ngene ajib-e, iso dikembangno dadi lokasi wisata. Ditoto tepak mulai ngisor sampek munggah iso dadi Kawasan Wisata Topo Penenang Bathin dan Pikiran. Cocok digawe suhulan, bukak agen perjalanan wisata topo ngedem pikiran, ana dadi pemandune. Paribasan gak iso topo-ne yo cukup ngedem pikiran tok,” batin Mat Terasi.

Sedino-sewengi, Mat Terasi nok lokasi, dzikir karo moco sembarang kalir. Pikirane tambah padang lan mantep bukak agen perjalanan wisata topo ngedem pikiran. Sampek bukro, rejal aswad iki rejak.

Wayah-e wis pas, Mat Terasi balik mudun rejak nang bait-e kate nyusun rencana bukak agen wisata. Mat Terasi mampir nang warung seng kitok rame lan laris nok ngarep-e pegadaian. Pumpung fulus seng diatuhi sohibe, Dulah Lemari sek akeh.

Waktu dehul warung, barengan karo rombongan wong-wong tajir seng numpak sayyaroh ajib-ajib. Mat Terasi seng didol-I yukul disek, nyumanggakno nang rombongan. Ndilalah anggota rombongan seng paling tuwo, takon lokasi panggonan berobat nenangno pikir.

“Saya dapat info kalau disekitar Gunung Arjuno banyak tempat untuk berobat. Kebetulan anak saya sudah 6 bulan sakit, tidak bisa omong. Sudah saya bawa berobat kemana-mana tidak ada hasilnya. Mungkin bapak tahu tempatnya,” jare Ronald, anggota rombongan wong tajir.

“Saya baru saja dari sana untuk tadabur alam, menikmati Rahmat dan keindahan alam. Mari saya antarkan dan semoga saja mendapat kesembuhan,” jare Mat Terasi ngesuf peluang suhulan ajib.

Bakdal yukul langsung balik ke lokasi. Nok lokasi rombongan diajak dzikir lan njaluk pitulung Gusti Allah. Sampek isnain sa’ah, akhire Mat Terasi nyidek-i anggota rombong sing marid. Yahampret kate nambani.

“Coba saya bantu sebentar. Barang kali bisa saya ketahui penyebab sakitnya. Saya minta semuanya menunggu agak jauh,” jare Mat Terasi karo nggowo moya botolan lan cutik godong.

Yahampret model tabib kawak, moya botolan dibukak, disembul-sembul disowok. Terus moyane dicipratno nang sak awak-e wong seng marid. Rambut-e, raih, gulu sampek dodo ditelesi moya karo dikusuk dipijet-pijet nggawe godong.

Seng dipijet gak terimo bagian ndukur tok, roto sak awak dipijet kabeh. Bagian sikil-sikil dilemesno kabeh, wong seng dipijet dikongkon merem. Gak kedawan, cekno weroh ono hasil-e opo nggak lan pumpung wong seng dipijet merem, bongkotan hamble-ne wong seng marid dipecut gawe cutik godong.

“Cetaar….”. “Wadooowww…… Sakit pak….!,” sakkolo seng marid bengok karo ambekan ngos-ngosan.

“Alhamdulillah… Ridho-ne Allah. Ente waras wis, penyakit-e ilang,” yahampret Mat Terasi.

Krungu suworo mbengok wong seng marid, rombongan sak kolo kaget lan podo ngesuf. Rombongan seneng, kerono bolone waras, iso ngomong.

Mat Terasi nyaranno rombongan tasyakuran seminggu engkas nang lokasi. Mat Terasi malah yahampret hoyal nolak diatuhi barang-barang ajib karo fulus asro milyun lan kertas cek. Tapi akhire yo diterimo.

Hasol riziq kabir, fulus katsir sak gebok ditambahi kertas ceq, sakkolo Mat Terasi rejak. Tekan bait-e langsung nggoleki harim-e, Munah.

“Dain-e iso lunas Nah…. Ana hasol riziq kabir. Dalan onok ae. Sak iki ente ndang belonjo sembarang kalir wis, ndang gaweo jenang abang, gawe tasyakur,” bengok Mat Terasi bungah. | Penulis : Harjo.S