Mamat Terasi wis bayangno orep enak, katsir fulus. Bait magrong-magrong tingkat pitu munggah, pitu mendelep. Sayyaroh jejer-jejer, sak uwong-dewe-dewe, Munah kharim-e sayyaroh zuqur, Karim walad-e distarno sayyaroh ban kabir. Khususon gawe Mat Terasi salasa sayyaroh, digawe sidak suhulan usahane, gawe rapat majlas pengusaha lan digawe gahwa dewe.
Sak liyane bait magrong-magrong lan sayyaroh, Mat Terasi bayangno duwe kebun lan sawah hektaran.Fulus terus onok gak kober asat, koyok sumber banyu.
Bayangan angen-angen yakhampret Mat Terasi, kerono hasol suhulan. Mat Terasi mari teken kontrak bermatra’i karo walondo, kontrak eksport, kirim rukem lan juwet, rutin ben wulan asro kontainer.
Gawe awal eksport pertama, Mat Terasi diatuhi tempo sitta wulan. Kesempatan noto suhulan, gawe jalur jaringan bisnis kulakan lan nebas rukem karo juwet. Termasuk noto syarat-syarat suhulan eksport.
“Suhulan ente sementara tinggalen disek, ngrewangi ana, dadi staf ahli ana bagian mbarengi kulakan lan nemoni walondo. Ente ndang star-o kelambi seng ajib sak desine, gawe pas nemoni walondo. Karo ente pisan Man, warung gahwa ente tutupen,” jare Mat Terasi nang sohib-e, Dulah Lemari lan Man Petis.
“Ente ngajak ana karo Man, suhul opo khi. Gaji ana piro. Pumpung durung ruwet, karuan jelas-jelasan awwal ngene,” bales Dulah.
Mat Terasi jelasno, lek hasol suhulan eksport rukem lan juwet nang negoro walondo. Malahan wis teken kontrak dan bakal tajir, lek iso menuhi kontrak.
“Ente-ente iki sohib muhallid ana. Hasol riziq gak iling nang ente-ente, ana duso kabir sawak. Perkoro gaji, ana gak bakal itungan, langsung fulus-e cawuk’an. Tapi gajian-e lek wis mulai eksport, sementara iki ente-ente golek-o dain-dainan disek gawe kulla yaum,” jelas Mamat, karo ngesuf-no kontrak-e.
Dulah karo Man percoyo ngesuf kontrok-e Mat Terasi. Poro sohib muhallid iku, sepakat suhul bareng. Gak kedawan kalam, langsung gerilya nggolek informasi rukem lan juwet.
Dijadwalno, ngepol sampek asro yaum, digawe golek informasi rukem lan juwet. Mesisan karo ngenteni bondone Mamat Terasi seng ngajukno da-in nang bank, jaminan seripikat bait-e Mat.
Sohib muhallid wong telu iku, sabendino kumpul, gahwa karo nggolek informasi mulai selepon kenalan sampek ngesuf saternet. Hasol info, langsung diparani bareng-bareng.
“Teko sohibi onok info, akeh seng nandur rukem sak juwet-e nok ereng-ereng Gunung Arjuno. Ayo ndang budal. Cekno bondone gak akeh, cukup numpak jawala belalang tempur ente Mat,” jare Dulah.
Wong loro kate langsung budal, wis nyengklak jawala belalang tempur. Man Petis gak terimo, protes.
“Ente-ente iki wis kalam suhul bareng, formasi turbo lengkap. Lah ana kok ente tinggal,” protes Man.
“Iki sementara tok khi. Saiki ente suhul-o gahwa disek ae khi. Seng penting, ana lek wes teko, langsung gawekno gahwa seng ajib, balas,” jare Mat Terasi.
Gak kedawan, Mat Terasi karo Dulah Lemari budal, arah ngidul. Jawala yamsi pelan-pelan, wong loro yahampret model sekreasi, karo tolah-toleh menowo iso ngesuf harim ajib bening.
Perjalanan awale lancar. Tapi barang cedek Wonorejo, mulai sayyaroh akeh seng mandek, yamsi pelan-pelan, padat merayap.
“Lah ngene iki, mesti macet ngarep-e pasar. Menungsone cengkal-cengkal, parkir kendaraan sak karep-e dewe, petugas-e yo gak onok. Dadine semrawut koyok sosor,” jare Mat Terasi ngomel.
Bablas, perjalanan diterusno sampek Purwosari, sayyaroh-sayyaroh mulai jejer, antri sak dawan-dawan.
“Pertelon iki tunggal-e, mesti macet. Dalan gede, petugas yo gak onok. Lampu bangjo yo bongko, gak tau morop. Gak salah lek onok seng mudrib, lampu bangjo digraji, ditimbangno cekno gak mubadzir,” ganti Dulah Lemari ngomel.
