11:43 - Monday, 21 August 2017
Saturday, 13 August 2016 | 15:13

Kredit Sarung Bonus Kurmo


Poso Ramadhan wis melbu sepuluh dino kedua, riyoyo terus merambat tambah cedek. Tapi dagangan sarung alias sawarin seng diiderno karo Mamat Terasi, sek akeh, mek payu rong kodi. Padahal Mat Terasi wis kadung nyiapno sampek isrin kodi rencanane ditawarno juragan-juragan, cekno digawe persenan.

Mat Terasi nyadari, saiki jaman tambah canggih, wong dagangan cukup lewat handphone sondroid iso metu gambar-e. Nawarno dagangan cukup sawarin diphoto karo HP dikirimno nang wong seng ditawari, lek wonge cocok karo model barang sak regone, fulus kari ngirim liwat transfer bank.

Tapi Mat Terasi termasuk golongan wong kuno, rodok cengkal keruwat tapi cerdas lan jujur gak neko-neko. Tapi kerono wong kuno lan gak neko-neko, akhire yo ketinggalan jaman. HP-ne model kuno cukup iso digawe telpon karo SMS-tok, gak kenek gawe internet-an lan kirim gambar photo-photo.

“Persaingan bisnis semakin luar biasa, dengan ditunjang teknologi canggih melalui HP yang bisa untuk internet-an dan jalankan berbagai aplikasi lainnya. Tapi saya tidak boleh menyerah begitu saja dengan keadaan, harus yakin dan mencari yang ampuh, agar dagangan tetap laku keras,” yahampret Mat Terasi.

Bakdal buko Mat Terasi majlas onok gandok bait-e, karo jedal-jedul dekhonan, asrop gahwa ngenteni wayah solli tarawih. Mat Terasi mulai mikir golek coro supaya dagangan sawarin-e iso payu ditebas juragan-juragan gawe persenan riyoyo.

Munah ngesuf Mat Terasi pas majlas marani rejal-e iku karo gowo khubus weci goreng.

“Weci goreng yukulen bang, mumpung sek anget, enak,” jare Munah.

“Iyo, lek onok camilan ngene iki mikir iso lancar. Iki mikir golek coro, supoyo dagangan laris. Cekno awakmu iso belonjo gawe riyoyoan,” bales Mat Terasi.

Gara-gara kepedesan ngeletus lombok, Mat Terasi ceguk-en bingung golek banyu putih. Tapi sakkolo Mat Terasi nemu coro supoyo dagangane laris.

“Saiki jaman usum bonus-bonusan. Paling ajib, jupuk sarung iso kredit, sek ditambahi bonus kurmo. Cekno kurmone lek disuf ajib, kudu diwadahi bungkus seng tepak lan rapi. Tepak wis, kredit sarung bonus kurmo barokah Ramadhan. Menowo ono kenalan-kenalan sampeyan seng gelem tuku swarin, ya tawarono pisan,” jare Mat Terasi nang kharim-e, Munah.

Bakdal sholi tarawih Mat Terasi langsung star kurmo. Gawe permulaan Mat Terasi star setengah kilo jenis seng sedengan. Mesisan Mat Terasi belonjo plastik cilik karo kertas kado lan pita werno macem-macem.

Kerono star mek setengah kilo, kurmo dibungkusi plastik telung biji-an , terus diblebet kertas kado dicancang pita werno-werno. Lek disuf asli kitok ajib-e.

Kurmo bonusan sarung wis cepak, Mat Terasi mulai ngabari liwat SMS nang sohib-sohibe pelanggan setiane seng biasa star gawe persenan riyoyoan. Isine SMS singkat dan nggarahi wong penasaran.

“Raih berkah Ramadhan dengan beli sarung bonus kurma ajaib. Beli kontan cukup Rp 50.000 plus bonus kurma ajaib 2 bungkus cantik. Kredit Rp 75.000, bonus 1 bungkus kurma ajaib” isine SMS Mat Terasi.

Gak suwe, onok SMS balesan melbu teko Mustopa, juragan wesi kuno seng langsung hajat star sak kodi. Bayar kontan, tapi njaluk bonus dobel.
Gak kedawan, Mat Terasi langsung nyangking sawarin telung kodi dicancang nang jawala belalang tempur andalan-e. budal marani Mustopa seng janji ngenteni nok bait-e.

“Gawe ente ana gak perlu kedawan dan, bonus kurmo ajaib-e tak tambahi. Tapi ojok njaluk dobel khi. Cukup tambah khomsah bungkus ae, lek bonus-e kekasiren, ana lak malih gak hasol opo-opo,” jare Mat Terasi waktu tekan bait-e Mustopa.

Mustopa sempat gumun, ngesuf bungkusan kurmo seng kitok bagus-bagus. Malah bungkusan kurmo iku akhire diphoto gawe HP sondorid karo Mustopa. Terus photone dikirimno nang konco-koncone seng gerombol onok group shot sap, termasuk dipajang nang pacebuk-e pisan.

“Ente kawak lek sohol ngene iki khi. Bonus kurmone ente kitok ajib, wis tak photo tak kirimno nang sohib-sohibku. Menowo onok sohib ana seng hajat, tak atuhi nomer HP ente yo,” jare Mustopa.

Mat Terasi seneng, rumongso direwangi sohib-e supoyo dagangan sawarine payu katsir. Sawarin sak bonus kurmone diatuhno lan fulus kontan diterimo, Mat Terasi gak langsung rejak. Leren ngobrol ngalor ngidul, karo ngenteni menowo ono sohibe Mustopa seng teko.
Ternyata bener, masio wis meh tengah dalu, onok sohibe Mustopa teko kepingin ngesuf lan star sawarin bonus kurmo ajaib.

“Seng ajaib iku kurmo koyok opo. Model kurmone luweh gede teko biasane ta. Opo bungkuse tok seng kitok ajib,” jare Jamal, sohibe Topa.

“Sampeyan lek tuku sawarin teko ana, jelas hasol ganjaran, kerono pas wulan posoan. Opo maneh sek hasol bonus kurmo, ganjaran tambah, kerono iso digawe buko lan dadi sunah rosul. Teko iku tok wis kitok ajaib-e, durung khasiat-e, nang awak gak gampang kenek penyakit kencing manis,” jawab Mat Terasi.

Jamal percoyo karo seng diomong Mat Terasi lan kepincut ngesuf bonus kurmo seng dibungkus kitok ajib. Akhire, Jamal star sak kodi sawarin, tapi kredit mek bayar separuh disek, kurang-e dibayar nyicil, janji lunas sewulan mari riyoyo-an.

Tapi gletek, bonus kurmo ajaib-e kurang khomsah bungkus. Terpaksa Mat Terasi nyelang disek bonus kurmo nang Mustopa lan janji bukro ndang dibalikno.

Mat Terasi seneng, corone supoyoi sawarine laris gawe kurmo didadekno bonusan, sukses. Sewengi tok sawarine wis payu rong kodi. Harapan cerah lan bakal iso belanjani kharim lan walade gawe riyoyoan.

Isuk-isuk Mat Terasi wis temu perlu belonjo kurmo karo liyan-liyane. Mesisan star kurmo rodok kebek, langsung ngerahno kharime, Munah lan walade, Karim, gawe bungkusi.

Tengah bungkusi, HP-ne Mat Terasi bolak-balik muni, podo takon sawarin dagangane bener-bener apik opo nggak. Liyone iku yo akeh seng takon bonus kurmo ajaib.

Sawarine Mat Terasi bener-bener laris. Onok seng langsung teko nang omah-e, dilayani karo Munah lan Karim. Tapi yo akeh seng njaluk dikirim, kerono tuku akeh lan Mat Teras gak nolak blas, malah seneng langsung budal ngirim.

“Wis talah riko ojok gampang percoyo star sawarin seng onok internet-internet iku. Gambare kitok bagus nggilap, tapi durung tentu barange bagus. Tapi lek star sawarin nang ana wis terbukti, mutune ditanggung ajib, sek hasol bonus kurmo ajaib nyehatno awak seng poso,” jare Mat Terasi nang pembeli.

Saking larise, sawaring isrin kodi holak lan pesenan onok terus. Mat Terasi akhire nekakno maneh sampek khomsin kodi, tapi bayare kari lek sawarin payu kabeh.

Kabar sawarine Mat Terasi laris, sampek krungu nang sohib muhallide, Dulah Lemari lan Man Petis. Isnin sohib muhallid iku sampek marani nang bait-e Mat Terasi kepingin weruh.

“Ente repot temenan sampek gak tau kitok mencungul nang warung asrop gahwa. Lah dagangan ente laris koyok ngene. Tapi ana star sawarin sak durunge posoan wingi, sek durung hasol bonus kurmo ajaib loh. Iki Man Petis yo kepingin ngerasakno kurmo ajaib ente,” jare Dulah.

“Sawarin seng ente star wingi iku wis rego spesial. Saiki regone holli, makane onok bonus kurmone. Tapi khusus gawe ente karo Man Petis, tetap tak atuhi balas khusus bonus kurmo ajaib tok. Gak akeh-akeh rong bungkusan eding ae,” bales Mat Terasi.

Alhamdulillah, ikhtiar Mat Terasi hasil. Fulus ngumpul kasir lan untunge wis kitok. Gak kedawan, mumpung riyoyo gak nemen mepet-e. Mat Terasi ndang-ndang ngatuhi Munah fulus, cekno ndang belonjo gawe riyoyoan.

“Sementara salasa milyun disek. Wis ndang belonjo macem-macem gawe riyoyoan. Engkuk lek wis cedek-cedek riyoyo, fulus tak tambahi maning. Masalah-e sawarine yo akeh seng sek durung payu lan onok seng bayar nyicil,” jare Mat Terasi.

Munah atine bunga nerimo fulus belonjo gawe riyoyoan wis kecekel tangan. Sakkolo Munah ngajak Karim metu belonjo kelambi anyar lan liya-liyane gawe riyoyoan.

Glodak…!!!

 

Kosa kata baru :
star = beli sawarin = sarung holi = mahal sillim = bayar dekhon = rokok khubus = kue isrin = 20 rejak = pulang salsa milyun = Rp 3 juta

*) Ditulis awal Ramadhan 2016
Penulis: Harjo Suwon

Komentar Anda

Komentar

Filed in

Yakhampret Eksport Rukem & Juwet